Bejalai ke Marudi, Baram.

Kena 29.08.2007 tu tadi aku bisi raun ke Marudi, Baram. Chara ka kin iya olih nengah jalai ai, ngena bilun, tauke nengah jalai darat. Nyadi aku tu tadi nengah jalai darat laban enda kala. Hmm, pama gak penyaie jalai ari simpang Jalai Sg. Arang enti maya ujan, licin, belubang, lalu balat amai bebukit.

Penyauh ari Miri ke Marudi aku enda nemu berapa kilometer, tang pengelama datai din iya dalam 3 jam. Bisi nengah 2 iti feri, siti ba Sg. Arang lalu siti ari ba Batang Baram. Tambang siti-siti feri iya RM15, nyadi semua iya RM60(2 kali mansang, 2 kali pulai) enti pulai mansang.

Benung begambar ba atas bukit ke paling tinggi ditiki ngena 4WD. Ari belakang aku nya gambar rampa menoa tunga ke menoa Miri.

Gambar feri ba sg. Arang benung ngambi kereta ari seberang.

Gambar rampa menoa Marudi, tajapan enda entu besai tang menoa nya likun endar endur nemuai.